Мин бүгүн өр да өр
Эйигин көр да көр,
Мин таптыыр өрүһүм
Эн, Бүлүү , буолаҕын!

Бу күнү 2017 сылга дойдуга Экология сылыгар Бүлүүгэ буолбут экологтар улахан мунньахтарыгар, алмаас хостооһунуттан эмсэҕэлээбит Бүлүү өрүс сүнньүн айылҕатын туругар болҕомто тардаары, бэлиэтииргэ ылыммыттара.

Саха Сиригэр уһунунан иккис өрүс. Өлүөнэ өрүскэ ханас өттүттэн түһэр. Уһуна 2650 км, бассейнын иэнэ – 454 тыһ. км². Уутун сыллааҕы орто ороскуота Өлүөнэҕэ түһэр сиринэн 1450 м³/с. Бу көрдөрүүлэринэн Дон, Урал курдук улахан өрүстэри куоһарар, Днепрдааҕар арыый кыра буолан биэрэр.

Бүлүү бассейныгар 15664 уу салаата сүүрүгүрдэн киирэр. Онтон улахан салаалара: Марха, Чуона, Улахан Вава, Ахтаранда, Улахан Ботуобуйа, Түҥ, Түүкээн онтон да атыттар. Өрүс бассейныгар 67266 күөл баар, онтон улаханнара Нидьили (119 км²), Сүгдьээр (80 км²), Богуда (22,6 км²), дириҥнэрэ – Муоһааны (110 м). Бүлүү өрүс бэйэтэ да, тулалыыр күөллэрэ да балыгынан баайдар…

Ыам ыйын 22 күнүгэр, Ю.Н.Прокопьев аатынан Үөһээ Бүлүүтээҕи спортивнай орто оскуола 6, 7 кылаас үөрэнээччилэригэр “Бүлүү эбэм барахсан” медиауруок буолла. Оҕолор олус болҕойон, сэҥээрэн иһиттилэр. Уруок бүтүүтэ ыйытыктарга бэрт сэргэхтик эппиэттэстилэр.

Бүлүү өрүс күнүн көрсө медиауруок ыытарга көмө материалы бэлэмнээтибит

“Бүлүү эбэм барахсан” – экологическай чаас презентация медиа урока

“Бүлүү эбэм барахсан” текст к медиа уроку