Үөһээ Бүлүү улууһугар, дьонугар-сэргэтигэр, айылҕатыгар анаммыт хоһооннор
Үөһээ Бүлүүм - үрдүк үөрүүм
Уйбаан Ороһуунускай
Ыраах эрэ бардахха
Ымыы буолан кэлэҕин,
Саҥа хоһоон айдахха
Сибитиэйдии тиллэҕин.
Хос ырыата
Ыра санаам, түүлбэр көрүүм
Ырыа ыллыыр кэрэтиэн,
Үөһээ Бүлүүм – үрдүк үөрүүм
Үчүгэйиэн эбитиэн!
Хотун бүлүүм долгулдьуйан
Хааман иһэр мөссүөҥҥэр,
Хатыҥ чараҥ наскылдьыйан
Ханыылаһан көһүннэ.
Хос ырыата
Айар үлэ алыптарын
Айыы кутум биэриэхтин,
Дойдум күннээх чаҕылларын
Долбор суола сирдээтин.
Хос ырыата
